Azərbaycan ilə əlaqələrin inkişaf etdirilməsi Qazaxıstan üçün mühüm əhəmiyyətə malikdir. Bu sözləri Bakıda səfərdə olan Qazaxıstan Prezidenti yanında Strateji Araşdırmalar Mərkəzinin rəhbəri Bulat Soltanov sentyabrın 14-də keçirdiyi mətbuat konfransında demişdir.
B.Soltanov ölkələrimizin strateji araşdırmalar mərkəzləri arasında dövlətlərarası əməkdaşlığın inkişaf etdirilməsi üçün Ekspert Şurasının yaradılmasına dair razılıq əldə etdiyini diqqətə çatdırmışdır. Qonaq demişdir ki, Ekspert Şurası Azərbaycan və Qazaxıstan hökumətləri üçün terrorçuluğa, narkotiklərin qanunsuz dövriyyəsinə qarşı mübarizə daxil olmaqla müxtəlif sahələrdə əməkdaşlığa dair təkliflər hazırlayacaqdır.
Ermənistan-Azərbaycan, Dağlıq Qarabağ münaqişəsinin həllinə toxunan B.Soltanov demişdir: "Qazaxıstan bu münaqişənin sülh yolu ilə həllinə tərəfdardır və bunun üçün Azərbaycan hökumətinə kömək göstərməyə hazırdır".{nl}