"Türkiyə Universitetləri Məzunları" İctimai Birliyi (TUMİB) Qafqaz İslam Ordusunun Azərbaycana gəlişinin 92-ci ildönümü münasibəti ilə Neftçalada tədbir keçirmişdir.
İctimai birlikdən bildirmişlər ki, Türkiyə Cümhuriyyətinin Bakıdakı səfirliyinin və TUMİB-nin nümayəndələri Neftçalada ümummilli lider Heydər Əliyevin və Qafqaz İslam Ordusunun əsgərlərinin abidələrini ziyarət edərək önünə əklil qoymuşlar.
Daha sonra konfrans keçirilmişdir. Tədbirdə Neftçala rayon İcra hakimiyyəti başçısının birinci müavini Dilavər Əliyev, Türkiyə Cümhuriyyətinin Bakıdakı səfirinin müavini polis general-mayoru İsmayıl Çalışkan və TUMİB-nin sədri Çingiz Bayramov çıxış edərək, Qafqaz İslam Ordusunun Azərbaycan dövlətçilik tarixində xüsusi yeri olduğundan danışmışlar.{nl}