Sentyabrın 14-də Azərbaycanın müdafiə naziri, general-polkovnik Səfər Əbiyev Böyük Britaniya Krallığı Xarici İşlər Nazirliyinin məsləhətçisi, beynəlxalq təhlükəsizlik sahəsində məşvərət şurasının nümayəndəsi, istefada olan general-leytenant Qarri Conson ilə görüşmüşdür.
Müdafiə Nazirliyinin mətbuat xidmətindən bildirmişlər ki, qonaqla regionda hərbi-siyasi vəziyyət, Ermənistan-Azərbaycan, Dağlıq Qarabağ münaqişəsinin yaratdığı problemlər barədə fikir mübadiləsi aparılmışdır.
Görüşdə Böyük Britaniyanın Azərbaycandakı səfiri xanım Kerolin Braun iştirak etmişdir.