Sentyabrın 13-dən Bakıda ABŞ-ın Ordu Mühəndislər Korpusu və Azərbaycan Fövqəladə Hallar Nazirliyinin təşkilatçılığı ilə mülki-hərbi fövqəladə hazırlıq üzrə seminar keçirilir.
Fövqəladə Hallar Nazirliyinin mətbuat xidmətindən bildirmişlər ki, sentyabrın 16-dək davam edəcək seminarın keçirilməsindən məqsəd qurumlararası səviyyədə təbii fəlakətlərə və texnogen qəzalara hazırlıq üzrə qarşılıqlı təcrübə mübadiləsidir. Tədbirin əsas mövzusu subasma və neft dağılmasıdır.
Tədbirdə Fövqəladə Hallar Nazirliyinin 40-a yaxın əməkdaşı ilə yanaşı, Azərbaycanın digər dövlət qurum və təşkilatlarının, habelə beynəlxalq təşkilatların nümayəndələri də iştirak edirlər.
AzərTAc