Azərbaycan Respublikasının Mərkəzi Seçki Komissiyası Milli Məclisə seçkilərlə bağlı seçki subyektlərinin maarifləndirilməsi proqramını davam etdirir.
MSK-nın mətbuat xidmətindən bildirmişlər ki, proqram çərçivəsində "Deputatlığa namizədlər üçün yaddaş kitabçası" hazırlanıb çap etdirilmişdir. Məqsəd deputatlığa iddialı vətəndaşlara passiv seçki hüquqlarının reallaşdırılmasında yardımçı olmaqdır.
Yaddaş kitabçasında deputatlığa namizədliyin irəli sürülməsi, seçici imzalarının toplanması, deputatlığa namizədliyin qeydə alınması üçün seçki sənədlərinin təqdim edilməsi, namizədliyin qeydə alınması qaydaları əks olunmuş, eyni zamanda, namizədlərin hüquq və vəzifələri izah edilmişdir. Kitabçada namizədlərin riayət etməli olduğu, onlara qanunla qadağan edilən məsələlər barədə ətraflı məlumat verilmişdir.
Yaddaş kitabçası Seçki Məcəlləsinin və MSK-nın təsdiq etdiyi normativ xarakterli aktlar əsasında hazırlanmışdır.
AzərTAc{nl}