Əsrlər boyu milli-mənəvi dəyərlərinə, dininə, adət-ənənələrinə sadiq olan xalqımız bu il də müqəddəs Ramazan bayramını böyük sevinc və ruh yüksəkliyi ilə qarşılayır.
Ölkəmizin hər yerində olduğu kimi, bu gözəl və böyük bayram Nəsimi rayonunda da təntənə ilə qeyd edilib. Bayram münasibətilə Qarabağ müharibəsi şəhidlərinin ailələrinə, 20 Yanvar əlillərinə və şəhidlərinin ailələrinə, Çernobıl əlillərinə, aztəminatlı ailələrə, tənha və kimsəsizlərə bayram sovqatı verilmişdir. Rayon ərazisində ümumilikdə 500-dən çox ailə belə sovqatlar almışdır.
Rayonda bu mübarək ayda bir sıra tədbirlər keçirilmişdir. Sakinlərin məişət problemlərinin həlli və sosial müdafiəsi yönündə işlər görülmüşdür. Həmin günlərdə bir çox yerlərdə iftar süfrələri açılmışdır.

Ayaz HƏMİDOĞLU, "Xalq qəzeti"