Səudiyyə Ərəbistanı Krallığının Azərbaycandakı səfirliyinin mətbuat xidmətinin yaydığı məlumatda bu barədə söz açılır.
Bildirilir ki, Pakistan İslam Respublikasında baş vermiş təbii fəlakətlə əlaqədar zərər çəkmiş insanlara qardaşlıq yardımının göstərilməsi və daşqınların nəticələrinin aradan qalldırılması məqsədilə, Səudiyyə Ərəbistanı Krallığı bu ölkəyə təxminən 908, 246, 227 səudiyyə riyalı (242, 198 milyon ABŞ dolları) miqdarında humanitar yardım göstərmişdir. Bu yardımlara yaşayış üçün çadırlar, yorğan-döşək dəstləri, ərzaq səbətləri, qırx çarpayılıq səyyar xəstəxanalar, həmçinin dərman təminatı xərcləri, avtomobil və təyyarələrin yanacaqla təmin olunması xərcləri, Səudiyyə Ərəbistanı Xalq Komitəsinin ianələri, BMT-nin müxtəlif təşkilatlarına donorluq və sair yardım və xərclər daxildir.
Qeyd edək ki, bütün bu yardımlardan əlavə ölkənin Kralı- İki Müqəddəs Məscidin Xadimi Abdullah bin Əbdüləzizin göstərişinə əsasən Səudiyyə Ərəbistanından Pakistana mülki müdafiə bölmələrinin xilasediciləri də göndərilmişdir.

İ.MİRZƏBƏYLİ, "Xalq qəzeti"