İctimai Televiziya və Radio Yayımları Şirkətinin (İTV) baş direktoru İsmayıl Ömərov türkdilli xalqların ədəbiyyatı və mədəniyyətinin inkişafı sahəsindəki xidmətlərinə görə Beynəlxalq Aytmatov Akademiyasının akademiki seçilmişdir.
İTV-nin ictimaiyyətlə əlaqələr və monitorinq şöbəsindən bildirmişlər ki, sentyabrın 1-də Türkdilli Ölkələrin Siyasətinə Dəstək Fondunun (TÖSDF) prezidenti Nüsrət Məmmədov İ.Ömərova akademiyanın diplomunu təqdim etmişdir.
N.Məmmədov əvvəlcə İTV-ni fəaliyyətə başlamasının beşinci ildönümü münasibətilə televiziyanın kollektivini təbrik etmiş, uğurlar arzulamışdır. O bildirmişdir ki, Bişkekdəki TÖSDF-in təqdimatına əsasən və Beynəlxalq Aytmatov Akademiyasının Elmi Şurasının qərarı ilə İTV-nin baş direktoru İ.Ömərov Beynəlxalq Aytmatov Akademiyasının üzvü seçilmişdir.
İ.Ömərov fəaliyyətinə verilən qiymətə görə təşəkkürünü bildirmişdir.
AzərTAc{nl}