Ekologiya və Təbii Sərvətlər Nazirliyi Milli Hidrometeorologiya Departamentindən aldığımız məlumata görə, payız fəslinin ilk ayı olan sentyabrda hava şəraitinin nisbətən sabit keçəcəyi , orta aylıq temperaturun iqlim norması daxilində , bəzi rayonlarda isə normadan bir qədər yüksək olacağı gözlənilir. Ay ərzində respublika üzrə yağıntıların qeyri-bərabər paylanacağı gözlənilir.
Aylıq yağıntının miqdarının iqlim normasına yaxın , bəzi ərazilərdə isə normadan bir qədər çox olacağı ehtimalı var.
Sinoptiklərin verdikləri məlumata əsasən, sentyabr ayında Bakıda və Abşeron yarımadasında havanın orta aylıq temperaturunun 22-24 dərəcə isti olacağı gözlənilir ki , bu da iqlim normasına yaxın və bir qədər yüksəkdir.
Gecələr 12-17 dərəcə isti olacaq. Gündüzlər 27-32 dərəcə isti olacaq, ayrı- ayrı günlərdə 32-35 dərəcəyədək yüksələcək.
Aylıq yağıntının miqdarının iqlim normasına yaxın ( norma 7-13 mm) olacağı gözlənilir.

Qəzənfər QASIMOV, "Xalq qəzeti"