Xəbər verdiyimiz kimi, Heydər Əliyev Fondu respublikamızın müxtəlif rayonlarında şəkərli diabet xəstəliyi olan 30 nəfər uşaq üçün Gəncədə yay-istirahət düşərgəsi təşkil etmişdir.
Avqustun 23-də Gəncəyə gələn düşərgə sakinləri əvvəlcə ümummilli lider Heydər Əliyevin abidəsini ziyarət etmiş, önünə gül dəstələri qoymuş və burada xatirə şəkli çəkdirmiş, ulu öndərin həyat və fəaliyyətini əks etdirən muzeylə tanış olmuşlar.
"RAMADA-plaza" otelində təşkil olunmuş yay düşərgəsinin açılışı mərasimində bildirilmişdir ki, 15 gün burada dincələcək uşaqlar üçün maraqlı istirahət proqramı tərtib edilmişdir. Proqramda qədim Gəncənin tarixi yerlərinə, mənzərəli guşələrinə səfərlər də nəzərdə turulmuşdur.{nl}