Azərbaycan-İran sərhədinin Yardımlı rayon hissəsində külli miqdarda tütün məmulatı və narkotik vasitə aşkar edilmiş, bir nəfər silahlı sərhəd pozucusu saxlanılmışdır.
Bunu jurnalistlərə Dövlət Sərhəd Xidmətinin rəisi, general-leytenant Elçin Quliyev demişdir.
Elçin Quliyev bildirmişdir ki, Azərbaycan-İran sərhədinin Yardımlı rayonu hissəsində əməliyyat şəraiti gərgin olaraq qalmaqdadır. Bu istiqamətdə narkotik maddələrin silahlı şəxslər tərəfindən dövlət sərhədindən keçirilməsi cəhdləri davam edir. Bir neçə gün əvvəl bu istiqamətdə yenə belə hal baş vermişdir. Lakin sərhəd naryadının gördüyü zəruri tədbirlər nəticəsində hadisənin qarşısı alınmışdır. Külli miqdarda tütün məmulatı və narkotik vasitə aşkar edilmiş, silahlı sərhəd pozucularından biri zərərsizləşdirilmişdir.
AzərTAc{nl}