Azərbaycan mətbuatı tarixində əvəzsiz rol oynamış "XX əsr ictimai fikrində və ədəbiyyatında tariximizdə yeni dövr açmış, klassik irsimizin dəyərli abidələrindən biri, təkcə Azərbaycanda deyil, bütün Yaxın və Orta Şərq ölkələrində siyasi satiranın ilk qaranquşu - "Molla Nəsrəddin" jurnalının yaranmasından 104 il ötür. Aprelin 7-si jurnalın ilk sayının işıq üzü gördüyü gündür.
Bu münasibətlə Qax rayonu Mərkəzi kitabxanasında "Molla Nəsrəddin jurnalının nəşri tarixindən" adlı dəyirmi masa keçirilmişdir.
Tədbirdə rayon icra hakimiyyətinin məsul işçiləri, "Şəlalə" qəzetinin əməkdaşları, təhsil və mədəniyyət müəssisələrinin nümayəndələri iştirak etmişlər.
Çıxış edənlər "Molla Nəsrəddin" jurnalının yaranma tarixindən, Cəlil Məmmədquluzadə və onun silahdaşlarının ağır və şərəfli işindən, yaradıcılıq fəaliyyətlərindən söhbət açmışlar.
Sonda "Molla Nəsrəddin" jurnalından felyetonlar oxunmuşdur.

Gülçin ƏLİYEVA