Ölkəmizdə səfərdə olan Litva Respublikasının Milli Dirçəliş Partiyasının və Litva Seyminin nümayəndə heyətinin rəhbəri Arunas Valinskas bildirmişdir ki, səfərin məqsədi ölkələrimiz arasındakı dostluq münasibətlərini möhkəmləndirməkdir.
Səfər çərçivəsində Milli Məclisin sədri Oqtay Əsədovla görüşəcək, parlamentin bir sıra komitələrində müzakirələr aparacağıq. Görüşlərdə əsasən ortaq maraqlarımıza xidmət edən bəzi məsələlər barədə fikir mübadiləsi aparmağı nəzərdə tuturuq.
A.Valinskas qeyd etmişdir ki, Azərbaycan və Litva arasındakı məsələlər yalnız şifahi müzakirələrdən yox, eyni zamanda, əməli fəaliyyətdən ibarət olmalıdır.{nl}