"Gənclərin töhfəsi" İctimai Birliyinin üzvlərinin və bir qrup gəncin təşəbbüsü ilə bu qurumda Yeni Azərbaycan Partiyasının (YAP) ilk təşkilatı yaradılmışdır.
Avqustun 14-də bu münasibətlə keçirilən yığıncaqda birliyin sədri Asim Vəliyev, YAP Nərimanov rayon təşkilatının nümayəndəsi Nizami Babaşov və digər natiqlər yeni təsis edilən ilk təşkilatın qarşısında duran vəzifələrdən danışmış, onun üzvlərinə uğurlar arzulamışlar.
Vurğulanmışdır ki, gənclər böyük potensialdır. Yeni yaranan ilk təşkilat öz sıralarında əsasən gəncləri birləşdirir və YAP-ın inkişafına öz töhfəsini verəcəkdir. Qarşıdan parlament seçkilərinin gəldiyini xatırladan natiqlər, yeni yaranan ilk təşkilatın da seçkilərdə fəal iştirak edəcəyinə əminliklərini bildirmişlər.
Sonra səsvermə yolu ilə YAP "Gənclərin töhfəsi" İctimai Birliyi ilk təşkilatının sədri və onun müavinləri seçilmişlər.
AzərTAc{nl}