Azərbaycana səfəri çərçivəsində Mavritaniya İslam Respublikasının xarici işlər naziri xanım Naha Mint Muknass Quba rayonundakı kütləvi məzarlığı ziyarət etmişdir.
Quba Rayon İcra Hakimiyyətinin nümayəndələri kütləvi məzarlıqda yüzlərlə insanın 1918-ci ildə ermənilər tərəfindən vəhşicəsinə qətlə yetirildiyini və bu məzarlığın ermənilərin azərbaycanlılara qarşı törətdiyi soyqırımının bariz nümunəsi olduğunu bildirmişlər.
Burada gördüklərindən təəssüfləndiyini söyləyən nazir bildirmişdir ki, dünyanın harasında olursa-olsun, soyqırımı faktı cinayət, vəhşi bir əməldir. Bunu, həmçinin bütün dünya bilməlidir. Mən ölkəmə qayıtdıqdan sonra burada gördüklərimi diqqətə çatdıracağam.
AzərTAc{nl}