Avqustun 8-də Dövlət Sərhəd Xidmətinin (DSX) Cəlilabaddakı kiçik mütəxəssislərin hazırlığı təlim mərkəzində gənc əsgərlərin andiçmə mərasimi keçirilmişdir.
Tədbir iştirakçıları təlim mərkəzində Heydər Əliyev guşəsi ilə tanış olmuşlar.
Mərasimdə çıxış edən DSX rəisinin müavini, general-mayor Məhəmməd Abasquliyev, "N" saylı hərbi hissənin komandiri, polkovnik-leytenant Mehman Yusifov və valideynlər gənc əsgərləri əlamətdar gün münasibətilə təbrik etmiş, ölkəmizdə bütün sahələrdə olduğu kimi ordu quruculuğu sahəsində də qazanılmış uğurlardan danışmış, respublika sərhədlərinin keşiyində duran əsgərlərə Vətənə sədaqətlə xidmət etməyi, sərhədlərimizi göz bəbəyi kimi qorumağı tövsiyə etmişlər.
Gənc əsgərlər Vətənə sədaqət andı içmişlər.
Tədbirin sonunda şəxsi heyət nizamlı addımlarla tribuna önündən keçmişdir.
AzərTAc{nl}