Dövlət Sosial Müdafiə Fondunun (DSMF) sədri Elman Mehdiyev yanvarın 22-də saat 11-də fondun Quba rayon şöbəsinin inzibati binasında bu rayonun, eləcə də Qusar, Şabran, Siyəzən, Xaçmaz rayonlarının sakinləri olan məcburi dövlət sosial sığorta ödəyicilərini və pensiyaçıları qəbul edəcəkdir.

DSMF-dən AzərTAc-a bildirmişlər ki, vətəndaşlar qəbula yazılmaq və əlavə məlumat almaq üçün [email protected] elektron poçt ünvanı, habelə aşağıdakı telefon nömrələri ilə əlaqə saxlaya bilərlər: Fondun Aparatında (012) 434-12-34, Quba rayon şöbəsində (023) 335-26-15, Qusar rayon şöbəsində (023) 385-40-94, Şabran rayon şöbəsində (023) 353-39-48, Siyəzən rayon şöbəsində (023) 304-09-04, Xaçmaz rayon şöbəsində (023) 325-05-25.

Qəbulda iştirak etmək istəyən vətəndaşların fondun müvafiq şəhər və rayon şöbələrinin inzibati binalarının qarşısından xüsusi ayrılmış nəqliyyatla Quba rayon şöbəsinə aparılıb-gətirilməsi təmin ediləcəkdir.