Dekabrın 29-da Dünya Azərbaycanlılarının Həmrəyliyi Günü və Yeni il münasibəti ilə Lerik şəhər 2 və 3 saylı tam orta məktəblərində, həmçinin şəhər uşaq bağçasında tədbirlər keçirilmişdir.

Rayon icra hakimiyyətinin nümayəndələri təhsil işçilərini, valideynləri və şagirdləri qarşıdan gələn əlamətdar bayramlar münasibəti ilə təbrik etmiş, yeni ildə onlara nailiyyətlər, möhkəm cansağlığı və təhsil uğurları arzu etmiş, təbriklərini çatdırmışlar. Keçirilmış tədbirlərdə şagirdlər şeirlər, nəğmələr söyləmiş və səhnəciklər göstərmişlər. Daha sonra rayon icra hakimiyyətinin təşəbbüsü ilə şagirdlərə bayram sovqatı paylanılmışdır.

Əli NƏCƏFXANLI,
“Xalq qəzeti”