“Bakı Ağ Şəhər” layihəsi çərçivəsində paytaxtın Babək prospektinə yaxın ərazidə ümumi ərazisi 18 min kvadratmetr olan çoxfunksiyalı bina tikilir.

“Bakı Ağ Şəhər” layihəsinin mətbuat xidmətindən AzərTAc-a bildirmişlər ki,  dənizkənarı ərazidə də tikinti işləri aparılır. Burada komfortlu yaşayış kompleksləri, otellər və ticarət-əyləncə mərkəzlərinin inşası nəzərdə tutulmuşdur.

Layihəyə əsasən fransız liseyinin inşası davam etməklə yanaşı, 4 ulduzlu otelin və ofis mərkəzinin də inşasına başlanılmışdır.

Müxtəlif təyinatlı binaların layihələnməsi üçün yerli mütəxəssislərlə  birgə “Atkins”, “UN Studio”, “Structural Engineering Co. Ltd”, “WSP”, “Erginolgu & Calishlar” kimi tanınmış şirkətlər də cəlb olunmuşdur.

“UN Studio” şirkətinin mütəxəssisləri Nobel prospektində yerləşəcək ticarət-ofis binasının və Fəvvarələr meydanındakı ofis binasının layihələnməsi işlərini həyata keçirirlər.

AzərTAc