Rusiya ərazisində baş vermiş meşə yanğınlarının söndürülməsində kömək göstərilməsi məqsədi ilə Azərbaycan Prezidenti İlham Əliyevin tapşırığı ilə avqustun 4-də qonşu ölkəyə yola salınmış Fövqəladə Hallar Nazirliyinin iki helikopteri avqustun 5-də Ryazan şəhərinə çatmışdır.
Nazirliyin mətbuat xidmətindən AzərTAc-a bildirmişlər ki, azərbaycanlı yanğınsöndürən-xilasedicilər dərhal "Mi-17-1V" və "Ka-32A" tipli helikopterlərlə Ryazan şəhəri ətrafında tüğyan edən meşə yanğınlarının söndürülməsinə başlamışlar.
Rusiya Fövqəladə Hallar Nazirliyi ilə əlaqəli şəkildə həyata keçirilən əməliyyatlar ilk müsbət nəticələrini vermiş və bir neçə yanğın ocağı qısa müddətdə söndürülmüşdür.
Hazırda yanğınsöndürmə əməliyyatları davam etdirilir.
AzərTAc