İqtisadi Əməkdaşlıq Təşkilatının (İƏT)  İranda nəşr olunan “ECO HERITAGE” jurnalında Azərbaycan Respublikasından bəhs edən məqalə dərc edilmişdir.

İƏT-in Mədəniyyət İnstitutunda ingilis dilində nəşr olunan jurnal həmin məqaləni “Azərbaycan Respublikası: sivilizasiyası və mədəniyyəti” sərlövhəsi altında təqdim etmişdir. Məqalədə xalqımızın dövlətçilik tarixi, maddi və qeyri-maddi irsi, adət-ənənələri, musiqi mədəniyyəti, ədəbiyyatı, qədim geyim formaları və s. mühüm məqamlar barədə ətraflı məlumat verilmişdir.

Jurnalın dörd səhifəsində yerləşdirilmiş məqalədə Qız qalası, Möminə Xatun türbəsi, Qobustan qayaları, nadir naxışları ilə seçilən qədim xalçalar, qədim və müasir musiqi növlərinə aid maraqlı izahlar əksini tapmışdır.

Bununla yanaşı, tarixi abidələrimiz və el sənətindən nümunələri əks etdirən rəngarəng fotolar da olduqca cəlbedicidir.

Sabir ŞAHTAXTI,

 AzərTAc-ın xüsusi müxbiri

Tehran