Azərbaycan ərazisinə yağan güclü qar şimal bölgəsində bəzi istiqamətlərdə kənd yollarının bağlanması ilə nəticələnmişdir.

APA -nın şimal bürosunun verdiyi məlumata görə, Quba-Xınalıq yolunda qar uçqunu baş vermiş və yol bağlanmışdır. Bu istiqamətdə olan 6 kənd - Xınalıq, Qələxudat, Bastançı, Cek, Əlik və Atuc kəndlərinə avtomaşınların hərəkəti dayanmışdır.

Quba Yol İstismar İdarəsinin sahə rəisi Bilal Sultanov bildirmişdir ki, yolun 35,37 kilometr və 45 kilometrliyində qar uçqunu qeydə alınmışdır. Ümumilikdə yolun 35-ci kilometrdən 57-ci kilometrliyinə kimi yol bağlıdır. Hazırda əraziyə texnika cəlb olunmuşdur.

Quba rayon Fövqəladə Hallar Komissiyasının sədri Yusif Abidov APA-ya bildirmişdir ki, hazırda yollarda avtomobillərin hərəkətini bərpa etmək üçün tədbirlərlər görülür.