Azərbaycan Respublikasının Prezidenti İlham Əliyevin tapşırıq və tövsiyəsinə əsasən, Dövlət Gömrük Komitəsinin sədri, gömrük xidməti general-leytenantı Aydın Əliyev noyabrın 29-da Şirvan Şəhər Gömrük İdarəsində Şirvan, Kürdəmir, Ağsu, Şamaxı, Zərdab, Saatlı, Sabirabad və Hacıqabul rayonlarından olan vətəndaşları qəbul etmişdir.

Qəbula gəlmiş vətəndaşların müraciətlərinin əksəriyyəti işə qəbul, keçid məntəqələrinin fəaliyyəti və gömrük prosedurları ilə bağlı olmuşdur.

Gün ərzində aparılan qəbul zamanı komitə sədri Aydın Əliyev hər bir vətəndaşın müraciətini diqqətlə dinləmiş və qaldırılan məsələlərin qanunvericiliyə uyğun həlli barədə müvafiq strukturların rəhbərlərinə tapşırıqlarını vermişdir.

Qəbul zamanı qaldırılan məsələlərin bir çoxu yerindəcə həll olunmuş, komitənin səlahiyyətlərinə aid olmayan məsələlərlə bağlı müraciətlər isə qeydə alınaraq aidiyyəti orqanlara çatdırılmaq üçün nəzarətə götürülmüşdür.