Azərbaycan Pakistan istehsalı olan JF-17 “Thunder” döyüş təyyarələrini almaqda maraqlıdır. Bu barədə APA-nın əməkdaşı Dubay avişousunda iştirak edən Pakistan nümayəndə heyətindən məlumat əldə edib.

Tərəflər arasında bununla bağlı indiyədək bir neçə dəfə danışıqlar keçirilmişdir. Azərbaycan mütəxəssisləri Pakistanda JF-17 “Thunder” təyyarələrinin uçuş və atışlarını izləmişlər. İstehsalçı PAC şirkəti təyyarənin satışı ilə bağlı qiymətləri Azərbaycan Müdafiə Nazirliyinə təqdim etmişdir: “Təyyarənin satışında heç bir problem yoxdur. Azərbaycan tərəfinin istədiyi aviyonik sistemləri üzərinə yerləşdirə biləcəyimizi bəyan etdik. Bu təyyarələr Rusiya istehsalı olan mühərriklə təchiz edilir və bununla bağlı hansısa problem görmürük”.