Azərbaycan milli mətbuatının 135 illik yubileyinin təntənəli qeyd olunması ilə əlaqədar Prezident İlham Əliyevin imzaladığı sərəncamın qarşıya qoyduğu vəzifələr müvəffəqiyyətlə həyata keçirilir.
Kütləvi informasiya vasitələrinin əməkdaşlarının mənzil-məişət şəraitinin yaxşılaşdırılması, sosial problemlərinin aradan qaldırılması, bir sıra qəzetlərin və mətbuat agentliklərinin maddi-texniki bazasının gücləndirilməsi istiqamətində mühüm əhəmiyyətli tədbirlər həyata keçirilmişdir.
Nəsrəddin Tusi adına klinikanın rəhbərliyi də milli mətbuatımızın 135 illiyi ilə əlaqədar jurnalistlərə öz töhfəsini vermişdir. Milli Məclisin deputatı Məlahət İbrahimqızı, Parlament Jurnalistlər Birliyi və N. Tusi adına klinikanın rəhbərliyinin təşəbbüsü ilə Milli Məclisə akkreditə olunmuş jurnalistlər klinikada pulsuz müayinə olunurlar. Klinikanın rəhbərliyi lazım gələrsə, pulsuz müalicəni də öz üzərinə götürməyə hazır olduğunu bildirib.
Artıq pulsuz müayinə kampaniyasına start verilib.

Əliqismət BƏDƏLOV, "Xalq qəzeti"