Ermənistanda istehsal edilən heç bir məhsul Azərbaycana idxal oluna bilməz.

Bu sözləri jurnalistlərə müsahibəsində Dövlət Gömrük Komitəsinin  (DGK) sədri Aydın Əliyev demişdir.

Aydın Əliyev bildirmişdir ki, ölkənin ərzaq təhlükəsizliyinin təmin edilməsi üçün gömrük orqanlarının üzərinə böyük məsuliyyət  düşür. Vahid ticarət prinsipinin tətbiqindən başlayaraq, sərhədyanı gömrük nəzarət orqanlarında səhiyyə və fitosanitariya sahəsində mütəxəssislər fəaliyyət göstərirlər. Ölkəmizə daxil olan bütün məhsulların mənbəyi və keyfiyyəti araşdırılır.

A.Əliyev bildirmişdir ki, eyni zamanda, Azərbaycanın gömrük orqanları müqabil tərəflərlə daim statistik məlumatlar mübadiləsi aparır. Bundan əsas məqsəd ölkəyə daxil olan məhsulların həcmi və yeri ilə bağlı tam məlumatlı olmaqdır. Bu, təkcə xəstəliyə aid deyildir. Ümumiyyətlə, Ermənistan ilə ölkəmizin xarici ticarəti yoxdur və belə bir vəziyyətdə bu heç vaxt ola da bilməz.

AzərTAc