Azərbaycanda səfərdə olan Rusiyanın Həştərxan vilayəti hökuməti sədrinin müavini Tatyana Yusupovanın rəhbərlik etdiyi nümayəndə heyəti avqustun 3-də Mətbuat Şurasında olmuşdur.
Görüşdə qeyd edilmişdir ki, Azərbaycan Prezidenti İlham Əliyevin və Rusiya dövlətinin başçısı Dmitri Medvedevin xüsusi diqqət və qayğısı nəticəsində Azərbaycan-Rusiya münasibətləri uğurla inkişaf edir. Əlaqələrin inkişafında jurnalistlərin xüsusi rolu vurğulanmış, bugünkü görüşün gələcək əməkdaşlığa müsbət təsir edəcəyinə əminlik ifadə olunmuşdur.
Qeyd edilmişdir ki, Azərbaycan və Həştərxan vilayətinin jurnalistləri arasında əlaqələrin gücləndirilməsi məqsədilə Xəzər dənizi və ekoloji mövzularda müsabiqələrin müntəzəm keçirilməsi, yazıların dərci barədə razılıq əldə olunmuşdur.
AzərTAc{nl}