Qafqaz Müsəlmanları İdarəsinin (QMİ) sədri, Şeyxülislam Hacı Allahşükür Paşazadə Roma

Papası Fransiski Azərbaycana dəvət etmişdir.

APA -nın məlumatına görə, QMİ sədri A. Paşazadənin Bakıda səfərdə olan Roma Papasının nümayəndəsi, Vatikanın mədəniyyət naziri, Kardinal Can Franko Ravazinin başçılıq etdiyi nümayəndə heyəti ilə görüşündə bu təklif səsləndirilmişdir.

“Mən sizinlə ilk dəfədir, görüşürəm, buna görə də Papanın seçilməsi münasibətilə Sizi, Sizin vasitənizlə isə Vatikanı təbrik edirəm. Mən çox arzu edərdim ki, Roma Papası Azərbaycana gəlsin. Mən onu rəsmi olaraq Azərbaycana dəvət edirəm. Yəqin ki, bizim dövlət səviyyəsində də bu dəvət olacaq”, - deyə A.Paşazadə bildirmişdir.

 A. Paşazadə özünün də Vatikana getmək arzusunda olduğunu demişdir.

 Öz növbəsində, kardinal A. Paşazadəni Vatikana dəvət etmişdir. Kardinal bildirmişdir ki, onlar Şeyxülislamın Vatikana səfər etməsində maraqlıdırlar: “Bu səfər ikitərəfli əlaqələr üçün çox mühümdür”.