Almaniya Bundestaqının üzvü Aleks Fişer oktyabrın 9-da Azərbaycanda keçirilmiş prezident seçkiləri ilə bağlı bəyanat yaymışdır.

A.Fişer prezident seçkilərinin azad, ədalətli və şəffaf qaydada keçirildiyini bildirmişdir. O, seçkilərdə çoxlu sayda beynəlxalq və yerli müşahidəçinin iştirak etməsinin təqdirəlayiq olduğunu diqqətə çatdırmışdır.

Bundestaqın üzvü seçki ərəfəsində və səsvermə günü prosedurun peşəkar qaydada həyata keçirildiyinin şahidi olduğunu bildirmişdir. O, seçkilərə texniki hazırlıqla bağlı Azərbaycan hakimiyyətinin gördüyü işlərdən məmnun qaldığını vurğulamışdır.

A.Fişer səsvermə günü seçki məntəqələrində polisin nümayəndələrinə rast gəlmədiyini, eyni zamanda, seçicilərə qarşı hər hansı təzyiq faktını müşahidə etmədiyini bildirmişdir.

Almaniya Bundestaqının üzvü əvvəlki seçkilərlə müqayisədə namizədlərin daha açıq şəkildə debat aparmaları üçün yaradılmış şəraiti yüksək qiymətləndirdiyini diqqətə çatdırmışdır.

Sonda A.Fişer Azərbaycan hakimiyyətinin ölkənin daha da demokratikləşməsi istiqamətində səyləri davam etdirəcəyinə əminliyini bildirmişdir.

AzərTAc