İclasda Azərbaycan Respublikasında teleradio yayımı sahəsindəki mövcud vəziyyət müzakirə edilmiş, teleradio verilişlərinin daha çox şou-biznes xarakterli olması, telekanalların ucuz reytinqə üstünlük verməsi, maarifçilik xarakterli verilişlərin azlığı xüsusi vurğulanmış, Azərbaycan mədəniyyətinin, tarixinin , coğrafiyasının, milli-mənəvi dəyərlərin, dünya mədəniyyəti incilərinin təbliği ilə bağlı xüsusi sahə xarakterli telekanalın (mədəniyyət televiziya kanalının) açılmasının zəruriliyi qeyd edilmişdir.
Qeyd olunanları və "Televiziya və radio yayımı haqqında" Azərbaycan Respublikası Qanununun 15-ci maddəsinin tələblərini nəzərə alaraq Şura Azərbaycan Respublikasında ixtisaslaşdırılmış televiziya kanalının (mədəniyyət televiziya kanalının) açılması ilə bağlı Bakı və Abşeron ərazisində 44-cü tezlik resursuna 4 avqust 2010-cu il tarixdən 4 sentyabr 2010-cu il tarixədək müsabiqə elan etmişdir.

Qəzənfər QASIMOV, "Xalq qəzeti"