Yeni Azərbaycan Partiyası Binəqədi rayon təşkilatı rayondakı Heydər Əliyev adına istirahət parkında İlham Əliyevin prezident seçkilərində inamlı qələbəsi münasibətilə geniş konsert proqramı təşkil etmişdir.

Tədbirdə YAP Binəqədi rayon təşkilatının fəalları və ictimaiyyətin nümayəndələri iştirak etmişlər.

Tədbir çərçivəsində Azərbaycan Respublikasının və Yeni Azərbaycan Partiyasının bayraqları ilə bəzədilmiş 45 motosikl YAP Binəqədi rayon təşkilatının inzibati binasından YAP mərkəzi aparatının binasına qədər yürüş etmişdir.

Yüksək əhval-ruhiyyədə davam edən konsert proqramı möhtəşəm atəşfəşanlıqla sona çatmış və ümummilli lider Heydər Əliyevin 90 illik yubileyinin rəmzi olaraq, səmaya 90 ədəd fosforlu şar buraxılmışdır.

V.BAYRAMOV,

 “Xalq qəzeti”