9 oktyabr seçkisində Bütöv Azərbaycan Xalq Cəbhəsi Partiyasının namizədi kimi iştirak etmiş deputat Qüdrət Həsənquliyev Mərkəzi Seçki Komissiyasının açıqladığı ilkin nəticələrə əsaslanaraq İlham Əliyevin qələbəsinin şəksiz olduğunu demişdir: “Prezident seçkisində qalib gəlmiş İlham Əliyevi təbrik edir, fəaliyyətində uğurlar arzulayıram.

Prezidentliyə namizəd olmuş bütün şəxsləri xalqın seçiminə hörmət edərək seçkinin nəticələrini tanımağa və Azərbaycana düşmən kəsilmiş qüvvələr tərəfindən növbəti dəfə xalqımıza və dövlətimizə qarşı istifadə olunmalarına imkan verməməyə çağırıram”.