Horadiz şəhərində erməni işğalı zamanı dağıdılmış evlər bərpa edilir. Şəhərdə 227 yaşayış evinin və 3 çoxmənzilli binanın bərpa edilməsi məqsədi ilə Azərbaycan Respublikasının 2013-cü il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Füzuli Rayon İcra Hakimiyyətinə 6 milyon manat ayrılmışdır.

Rayon icra hakimiyyətindən AzərTAc-a bildirmişlər ki, iyul ayından 129 evdə və 2 kommunal binada bərpa işlərinə başlanılmışdır. Evlərin bəzisi bərpa edilir, tamamilə dağıdılmış evlər isə yenidən tikilir. Yaxın günlərdə bərpa işləri yekunlaşmış 35 ev sakinlərin istifadəsinə veriləcəkdir. İlin sonunadək isə bütün evlərin istifadəyə verilməsi nəzərdə tutulmuşdur.