Fransanın “OpinionWay” Tədqiqat İnstitutu Azərbaycanda seçkiqabağı vəziyyətin öyrənilməsi məqsədilə ictimai rəy sorğusu keçirmişdir.

“Əgər seçkilər bu gün keçirilsəydi siz kimə səs verərdiniz?” sualına cavabında rəyi soruşulanların 79,9 faizi Prezident İlham Əliyevin, 7,8 faizi Cəmil Həsənlinin, 1,5 faizi Qüdrət Həsənquliyevin, 0,6 faizi İqbal Ağazadənin, 0,3 faizi Zahid Orucun, 0,2 faizi İlyas İsmayılovun, 0,2 faizi Araz Əlizadənin, 0,2 faizi Sərdar Məmmədovun, 0,1 faizi Hafiz Hacıyevin, 0 faizi Fərəc Quliyevin namizədliyini dəstəklədiyini bildirmişdir. 

Respondentlərin 56,2 faizi Azərbaycan iqtisadiyyatının vəziyyətinin yaxşılaşdığını, 26,7 faizi dəyişməz qaldığını, 12,5 faizi pisləşdiyini bildirmiş, 4,6 faizi rəy bildirməkdə çətinlik çəkmişdir.

Rəyi soruşulanların 72,7 faizi hazırda Azərbaycanda mövcud olan ən vacib problemin Ermənistan-Azərbaycan, Dağlıq Qarabağ münaqişəsi, 19,8 faizi iqtisadi, 16,3 faizi təhsil, 8 faizi ətraf mühit, 3 faizi milli təhlükəsizlik problemi olduğunu söyləmişdir. Qalan respondentlər bu məsələ ilə bağlı rəy bildirməkdə çətinlik çəkmişlər.

Yaşayış yeri üzrə üzbəüz müsahibə yolu ilə keçirilən sorğuda yaşı 18 və yuxarı olan 1000 nəfər iştirak etmişdir.