Yaxın beş il ərzində Bakı Metropoliteni 11 stansiya istismara verməyi planlaşdırır. Bu barədə Trend-ə metropolitendən məlumat vermişlər.

Məlumatda bildirilir ki, yaxın üç ildə 8, daha sonrakı iki il ərzində isə 3 stansiyanın istismara verilməsi planlaşdırılır.

Bakı Metropoliteni beş stansiyanı metronun yeni “bənövşəyi” xəttinin çəkilməsi çərçivəsində istismara verməyi planlaşdırır. Qalan altı stansiya isə metronun “yaşıl” xəttinin davamı olaraq açılacaq.

2014-cü ildə “bənövşəyi” xəttin iki stansiyasının - “Avtovağzal” və “Memar Əcəmi” - istismara verilməsi, sonrakı iki il ərzində isə daha üç stansiyanın istismara verilməsi planlaşdırılır.

Hazırda “yaşıl” xəttin davamı olaraq Yeni Günəşli və Köhnə Günəşli qəsəbələri istiqamətlərində tunellərin çəkilməsi işləri gedir.  “Xətai - Həzi Aslanov” sahəsində stansiyaların tikintisi işləri də davam etdirilir.