Ötən gün diplomatik missiyanın binasının yaxınlığında bombanın olması ilə bağlı məlumatdan sonra fəaliyyətini dayandıran Azərbaycanın Almaniyadakı səfirliyi bu gün öz işini bərpa etmişdir. Bu barədə Trend-ə səfirlikdən məlumat vermişlər.

Daha əvvəl Almaniya mətbuatı xəbər yaymışdı ki, Berlində yerləşən səfirliyin yaxınlığında ötən gün 500 kiloqramlıq aviasiya bombası aşkar olunmuşdur. Bu məlumatın yayılmasından sonra Azərbaycanın diplomatik missiyasının bütün heyəti, həmçinin yaxınlıqda yerləşən evlərdən 3600 adam da təxliyyə olunmuşdur.

Hadisə yerində işləyən mütəxəssislərin fikrincə, binanın yaxınlığında aşkar edilən bomba İkinci Dünya müharibəsi dövrünə aiddir. Bomba zərərsizləşdirilmişdir.