Ölkəmizdə səfərdə olan Türkiyə Böyük Millət Məclisinin (TBMM) bir qrup deputatı iyulun 29-da Milli Məclisdə Azərbaycan-Türkiyə parlamentlərarası işçi qrupunun üzvləri ilə görüşmüşlər.
Görüşdə qardaş ölkələrimiz arasında əlaqələrin daha da inkişaf etdirilməsində və möhkəmlənməsində parlamentlərin rolu, işçi qruplarının fəaliyyəti, deputatlarımızın beynəlxalq təşkilatlarda xalqlarımız və dövlətlərimiz üçün mühüm əhəmiyyət kəsb edən məsələlərdə eyni mövqedən çıxış etmələrinin vacibliyi vurğulanmışdır.
Milli Məclisin Azərbaycan-Türkiyə parlamentlərarası işçi qrupunun rəhbəri Nizami Cəfərov, TBMM-in Türkiyə -Azərbaycan parlamentlərarası dostluq qrupunun rəhbəri Mustafa Kabakçı və digər millət vəkilləri ölkələrimiz arasında əlaqələrin inkişafı ilə bağlı fikirlərini bölüşmüşlər.{nl}