Sentyabrın 25-də “ASAN xidmət”dən yararlanmış 500 mininci vətəndaş müəyyən edilmişdir.

Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyindən AzərTAc-a bildirmişlər ki, Sumqayıt şəhər sakini Əflatun Hüseynxanlı Sumqayıt “ASAN xidmət” mərkəzinə şəxsiyyət vəsiqəsinin dəyişdirilməsi ilə bağlı müraciət etmiş və müvafiq xidmətdən yararlanmışdır.

Əflatun Hüseynxanlı ona və ailə üzvlərinə “ASAN xidmət” mərkəzində göstərilmiş yüksək xidmətdən razı qalmış və 500 mininci vətəndaş olmağından sevinc hissi duyduğunu bildirmişdir.

Hazırda dörd “ASAN xidmət” mərkəzi fəaliyyət göstərir ki, onlardan üçü Bakıda, digəri isə Sumqayıtdadır.

AzərTAc