Azərbaycan Dövlət Teleqraf Agentliyindən (AzərTAc) 592 saxlama vahidi fotosənəd Dövlət Kino-Foto Sənədləri Arxivinə təqdim edilmişdir.
Milli Arxiv İdarəsinin beynəlxalq əlaqələr şöbəsinin müdiri Kamal Ağayev bildirmişdir ki, 1992-2003-cü illərin əhatə olunduğu fotosənədlər Azərbaycan ikinci dəfə müstəqillik qazandıqdan sonra ölkəmizdə baş vermiş mühüm dövlət əhəmiyyətli siyasi, iqtisadi, ictimai və mədəniyyət hadisələrini özündə əks etdirir.
Hazırda arxivdə fotosənədlərin yazılı izahı (annotasiyası) hazırlanır.
AzərTAc{nl}