Əmlak Məsələləri Dövlət Komitəsinin sədri Kərəm Həsənov Sumqayıt şəhərində vətəndaşları qəbul edərək onların müraciət  və təkliflərini dinləmişdir.

Qəbulda Sumqayıt şəhərindən və Abşeron rayonundan olan vətəndaşlar iştirak etmişlər. Onların müraciətlərinin əksəriyyəti daşınmaz əmlaka dair hüquqların dövlət qeydiyyatı, dövlət əmlakının özəlləşdirilməsi və icarəyə verilməsinə dair məsələlərlə bağlı olmuşdur. 

Komitə sədri bir sıra müraciətlərin operativ həlli üçün müvafiq tapşırıqlar vermişdir. Vətəndaşlara komitənin fəaliyyətinə aid olan məsələlərin hüquqi tərəfləri izah edilmiş və araşdırılması lazım gələn  müraciətlər qeydiyyata alınmışdır. Komitənin səlahiyyətinə aid olmayan müraciətlərlə bağlı isə vətəndaşlara lazımi istiqamət və tövsiyələr verilmişdir.

AzərTAc