Əmək və Əhalinin Sosial Müdafiəsi Nazirliyi tərəfindən daha 30 nəfər əlilliyi olan şəxs Ukraynanın Krım vilayətinin Saki şəhərindəki N.Burdenko adına Onurğa-beyin sistemi zədələnmiş xəstələr üçün ixtisaslaşmış müalicə mərkəzinə 28 günlük bərpa-müalicəsinə göndərilmişdir. Onlardan 25 nəfəri əlil arabasından istifadə edən şəxslərdir.

Nazirliyin ictimaiyyətlə əlaqələr şöbəsindən AzərTAc-a bildirmişlər ki, cari ilin ötən dövründə həmin müalicə mərkəzində 35 nəfər, Latviyanın Yurmala şəhərində yerləşən “Vaivari” sanatoriyasında isə 30 nəfər əlil vətəndaşın bərpa müalicəsi təşkil olunmuşdur. Həmin ixtisaslaşmış müalicə mərkəzləri səmərəli fizioterapevtik müalicə üsulları ilə tanınırlar.