İlin sonunadək Azərbaycanın dəmir yolları vasitəsilə 30 milyon ton yükün daşınması nəzərdə tutulur.
Bunu jurnalistlərə "Azərbaycan Dəmir Yolları" Qapalı Səhmdar Cəmiyyəti sədrinin müavini Qurban Nəzirov bildirmişdir.
Ümumiyyətlə, cari ilin altı ayında ötən ilin eyni dövrü ilə müqayisədə 18 faiz artım müşahidə olunmuşdur. Bu, əsasən neft məhsulları və quru yüklərin, xüsusilə tikinti materiallarının daşınmasında artım ilə bağlıdır. Yükdaşımaların 80 faizi TRASECA (Avropa-Qafqaz-Asiya) dəhlizi vasitəsilə həyata keçirilmişdir. Burada artım 12 faizə bərabərdir.
Q.Nəzirov ölkə daxilində sərnişin daşımada da 30-40 faiz artımın müşahidə olunduğunu söyləmişdir. Bu da ali məktəblərə qəbul imtahanları ilə əlaqədar Bakıya gələn abituriyentlərin çoxluğu ilə əlaqədardır.