Son on ildə Azərbaycan Respublikası qarşısında xüsusi xidmətlər göstərmiş şəxslərin sosial rifah halının yaxşılaşdırılması məqsədilə ölkəmizdə müxtəlif kateqoriyalardan olan şəxslərə Azərbaycan Respublikası Prezidentinin təqaüdü institutu formalaşıb.

Əmək və Əhalinin Sosial Müdafiəsi Nazirliyinin ictimaiyyətlə əlaqələr şöbəsindən APA-ya verilən məlumata görə, bu müddətdə  34 961  nəfərə Azərbaycan Respublikası Prezidentinin müxtəlif fərman və sərəncamlarına əsasən, Prezident təqaüdləri təyin olunub. Son on ildə şəhid ailələrinə verilən Prezident təqaüdlərinin orta məbləği 60,5 faiz, müharibə əlillərinə verilən Prezident təqaüdlərinin orta məbləği 10 faiz, Prezidentin fərdi təqaüdlərinin orta aylıq məbləği isə 5 dəfə artıb.