Azərbaycan Respublikası Gənclər Təşkilatları Milli Şurası (ARGTMŞ) “QHT-lərin idarəetmə akademiyası” layihəsini həyata keçirəcəkdir.

Şuradan AzərTAc-a bildirmişlər ki, layihə gənclər təşkilatlarının strateji inkişafının təmin edilməsi və onların potensialının artırılması məqsədi daşıyır.

Layihə çərçivəsində təlimlər “QHT-lərin idarəetmə akademiyası”, “Layihələrin idarəetmə akademiyası”, “Şəxsi və peşəkar inkişaf akademiyası” və “Seçmə kursları” tədris blokları üzrə təyin olunacaqdır. Hər bir blok isə auditoriya fərqi nəzərə alınmaqla təlim modullara bölünəcəkdir. 

 Layihədə ARGTMŞ-yə üzv olan 104 gənclər təşkilatının rəhbərləri və üzvləri iştirak edə bilərlər. Bunun üçün [email protected] ünvanına müraciət olunmalıdır.