Gürcüstanda yaşayan azərbaycanlıların ölkənin ictimai həyatının müxtəlif sahələrində fəal iştirakı üçün böyük işlər görülür.
Bu fikri Azərbaycanda səfərdə olan Gürcüstanın Baş naziri Nika Qilauri iyulun 23-də mətbuat konfransında bildirmişdir.
Baş nazir demişdir ki, azərbaycanlıların ölkənin ictimai həyatına fəal qoşulması üçün bir sıra vacib proqramlar həyata keçirilir. Biz son illər bu sahədə çox işlər görmüşük. Bu gün Gürcüstanda 124 Azərbaycan məktəbi fəaliyyət göstərir. Azərbaycanlıların gürcü dilini öyrənməsi, habelə ölkənin ali məktəblərinə qəbul olunması üçün kurslar təşkil olunur.
N.Qilauri bu sahədə hələ çox işlərin görülməsinin nəzərdə tutulduğunu da söyləmişdir.
AzərTAc{nl}