İyulun 20-də Azərbaycan Respublikası Konstitusiya Məhkəməsi Palatasının növbəti iclası keçirilmişdir.
Konstitusiya Məhkəməsi mətbuat xidmətindən bildirmişlər ki, Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" Azərbaycan Respublikası Qanununun 7.1-ci maddəsinə əsasən Konstitusiya Məhkəməsinin Palatası Bakı Şəhəri Xətai Rayon Məhkəməsinin müraciətinə baxaraq, onun icraata qəbul edilməsi haqqında qərardad çıxarmışdır.
Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun 2010-cu il sentyabrın 15-nə təyin edilmiş iclasında baxılacaqdır.
* * *
Konstitusiya Məhkəməsi mətbuat xidmətindən bildirmişlər ki, Azərbaycan Respublikası Konstitusiyasının 130-cu maddəsinin VI hissəsinə və "Konstitusiya Məhkəməsi haqqında" Azərbaycan Respublikası Qanununun 7.1-ci maddəsinə əsasən Konstitusiya Məhkəməsinin Palatası "Azərbaycan Respublikası Cinayət Məcəlləsinin 18.1 və 83.1-ci maddələrinin şərh olunmasına dair" Azərbaycan Respublikası Ali Məhkəməsinin müraciətinə baxaraq, onun icraata qəbul edilməsi haqqında qərardad çıxarmışdır.
Müraciətə mahiyyəti üzrə, tərəflərin iştirakı ilə Konstitusiya Məhkəməsi Plenumunun 2010-cu il sentyabr ayının 7-nə təyin edilmiş iclasında baxılacaqdır
AzərTAc{nl}