Müdafiə Nazirliyinin mətbuat xidmətindən verilən məlumata görə, Ermənistan silahlı qüvvələrinin bölmələri aprelin 5-də saat 11.00-dan 11.25-dək Cəbrayıl rayonunun Mehdili, Cocuq Mərcanlı kəndləri yaxınlığında və adsız yüksəkliklərdə, saat 16.40-dan 16.56-dək Ağdam rayonunun Mərzili və Yusifcanlı, saat 20.00-dan 20.26-dək Xocavənd rayonunun Kuropatkino kəndləri yaxınlığında yerləşən mövqelərdən Azərbaycan Silahlı Qüvvələrinin üzbəüz mövqelərini avtomat və pulemyotlardan atəşə tutmuşlar.
Bütün hallarda düşmən cavab atəşi ilə susdurulmuşdur.
İtki yoxdur.
AzərTAc{nl}