Tədbirin əvvəlində Sülh Korpusunun üzvləri çıxış etmişlər. Qeyd edilmişdir ki, könüllülər ölkəmizin 21 regionunda Azərbaycan ailələrində yerləşdiriləcəklər. Burada onlar xalqımızın adət-ənənələri ilə tanış olmaq, Azərbaycan dilini öyrənmək imkanı əldə edəcəklər.

Sonra Sülh Korpusunun 27 nəfər könüllüsü and içmişdir.

Mərasimdə ABŞ-ın ölkəmizdəki səfiri Riçard Morninqstar çıxış etmişdir. O, əvvəlki illər ərzində Sülh Korpusunun könüllülərini qəbul etmiş Azərbaycan ailələrinə təşəkkürünü bildirərək demişdir: “Mən yeni könüllüləri Azərbaycan mədəniyyəti və Azərbaycan dili ilə daha yaxından tanış olmağa çağırıram. Əminəm ki, könüllülər bu proqram çərçivəsində Azərbaycan haqqında daha çox şey öyrənə biləcəklər”.

 AzərTAc