2 013-cü ilin ilk 5 ayı ərzində Azərbaycan Respublikası Rabitə və İnformasiya Texnologiyaları Nazirliyinin Dövlət Radiotezliklər İdarəsi tərəfindən iş planına və quruma daxil olmuş göstəriş və müraciətlərə əsasən 313 təşkilat, müəssisə və şirkətdə istismar olunan radioelektron vasitələrə (REV) texniki baxış keçirilmiş, müvafiq qaydada aktlar tərtib edilmişdir.

Nazirlikdən verilən məlumatda bildirilir ki, müəssisə və təşkilatlarda keçirilən texniki baxış zamanı 226 ədəd DRİ-də qeydiyyatdan keçməyən müxtəlif növ REV aşkar olunmuşdur. Onlardan 165 ədədi möhürlənmiş, 7 ədədi silinmişdir, qalan 54 ədədinin qeydiyyata alınması üçün müvafiq tədbirlər görülür.

 Dövlət qeydiyyatından keçməyən qeyri-qanuni REV istifadəçilərinə qarşı İnzibati Xətalar Məcəlləsinin pozulması barədə 30 protokol tərtib olunmuş, müvafiq hüquqi tədbirlərin görülməsi üçün aidiyyəti rayon məhkəmələrinə müraciətlər göndərilmişdir.

Samirə ƏLİYEVA,

“Xalq qəzeti”