Azərbaycan Respublikasının baş prokuroru Zakir Qaralov iyunun 7-də saat 11:00-da Quba Rayon Prokurorluğunun inzibati binasında bu rayondan, eyni zamanda, Xaçmaz, Qusar, Şabran və Siyəzəndən olan vətəndaşları qəbul edəcəkdir.

Baş Prokurorluğun mətbuat xidmətindən AzərTAc-a bildirmişlər ki, qəbula gəlmək istəyən vətəndaşların qeydiyyatı və Quba rayonuna gəlmələrinin təşkili müvafiq rayon prokurorları tərəfindən həyata keçiriləcəkdir.

Vətəndaşlar yaşadıqları ərazi üzrə rayon prokurorluqlarına yazılı və ya şifahi müraciət etməklə yanaşı, Baş Prokurorluğun müraciətlərə baxılması idarəsinin 437-28-79 nömrəli telefonu və [email protected], elektron poçt ünvanı vasitəsilə də qəbula yazıla bilərlər.